Денес е една од најмоќните жени на светот, но кога била почетник во Њујорк, минувала низ тешки ситуации...

Мадона (55) во својата иповед за "Harpers bazar" раскажала дека на почетокот на нејзината кариера, била жртва на полов напад.

"Кога стигнав во Рочестер во Мичиген во Њујорк, не беше се онака како што си замислував. Имав 19 години, и градот не ме дочека со раширени раце. Мојата зграда смрдеше на измет и бев преплашена. Првата година, бев силувана. Непознат човек ме одвлечка од улица и ме однесе на еден кров, каде ме силуваше заканувајќи ми се со нож", рекла пејачката.

Меѓутоа, кралицата на попот вели дека ништо не можало да ја предомисли во намерата да успее.

"Беше тешко, бев осамена и во искушение да се откажам. Но, бев и храбра, го сакав успехот повеќе од било што друго. И сметам дека, ако не можам да бидам храбра во својата работа, немам што да барам на оваа планета".

Мадона ја отворила душата и на тема за посвојувањето на деца, велејќи дека сфатила оти во животот стекнала "бесмислено богатство", а дури тогаш сфатила дека постојат дечиња на кои им е потреба помош.

"Не знаев дека хуман гест ќе предизвика бура од го*на", додала Мадона, која поради посвојувањето на Дејвид и Мерси беше оптужувана за киднапирање, трговија со луѓе, помитување на владините службеници...

"Тоа ми ги отвори очите, и сфатив дека околината не ги сака успешните. Можат да ме прозиваат затоа што ја бакнав Бритни Спирс, но не и затоа што усреќив едно дете. Ја научив лекцијата, или се бориш со сета сила, или излегуваш од рингот", заклучила Мадона.