Номинираната актерка за "Еми", Кери Вашингтон беше избрана за "Најдобро облечена жена во светот", според магазинот People...

36-годишната Вашингтон седна на чело на листата со стилските икони, која ги вклучува уште 23-годишната добитничка на Оскар Џенифер Лоренс и актерката Кејт Босурт.

Иако Вашингтон ја зазема првата позиција во рангирањето, Лоренс беше избрана за жената со најголем моден вкус, а 36-годишната Џесика Частеин го доби признанието за најдобар стил на црвениот тепих. Ѕвездата од "Аватар" Зои Салдана беше наградена за совршениот вкус на тексас.

Заедно со изборот на најдобро облечени ѕвезди, списанието, исто така обрнува внимание и на нај запаметени модни грешки. Број еден оваа година е актерката Сара Џесика Паркер, а првата дама на САД Мишел Обама беше критикувана поради несоодветна фризура со шишки.