По учеството на Памела Андерсон во минатогодишното издание на VIP Brother, оваа година во куќата ќе влезе најпознатата од наследнички на фамилијата Хилтон - Парис...

Парис Хилтон е една од најпаметните и забележителни светски личности. Вели дека се чувствува како американска принцеза и има целосна основа за тоа. Таа има сè. Уште на 18 -годишна возраст почна да развива свој бизнис и денес нејзината империја Paris Hilton Entertainment (PHE) се проценува на милијарди долари. 17-те производни линии со брендот на Парис - чевли, чанти, часовници, облека и др, се достапни во продавниците во над 40 земји низ целиот свет. Поседува над 15 парфеми со вкупна продажба за над 1,5 милијарди долари, а во 2011 година ја добива наградата " Претприемач за милијарда долари" како признание занејзиниот успешен бизнис и глобалниот бренд.

Хилтон е позната како еден од пионерите на риалити ТВ. Во 2003 година прави незаборавно учество во реалното шоу " The Simple Life " и заедно со нејзината пријателка Никол Ричи е дел од револуцијата, настаната во телевизиската индустрија. Во 2009 година ја добива наградата "иноватор на риалити ТВ". Има и голем број на учества во филмови и серии како "Orange County - Областа на богатите", "Вероника Марс" и "Лас Вегас" . Во октомври 2004 година, таа дури ја патентира омилената фраза "That's Hot", а го прослави 21-от роденден на 5 локации - во клубови во Лондон, Њујорк, Лас Вега , Холивуд и Токио. Денес, веќе на 32 година, Парис Хилтон вели дека е подготвена за семејство и дете.