Фаталниот шмекер од серијата "Бегство од затвор", Вентворт Милер неодамна ја разочара женската популација со признанието дека е хомосексуалец...



Но, тоа не е се што ја загрижило најмногу женската популација. Тој изјавил и дека неколку пати се обидел да си го одземе животот, затоа што му било тешко да ја крие својата сексуална определба.

Згодниот актер открил шокантни детали од неговиот живот во едно интервју за тоа колку тешко му било што не можел отворено да каже дека е геј и притоа да продолжи да живее нормално, поради притисисокот од неговото опкружување.

„Имав 15 години кога прв пат се обидов да се убијам. Почекав да ја напуштат куќата моите родители, а потоа се испив цело кутивче апчиња“, е изјавата на Милер, додавајќи дека во наредните неколку дена на ништо не се сеќавал.

„Кога ме прашаа дали тоа значело повик за помош, реков дека не е. Повикот за помош се бара кога помош може да се бара, а јас сакав само да го прекинам својот живот. Имав многу можности да проговорам за својата сексуална определба, новинарите постојано ме прашуваа, но одбрав да бидам геј во приватниот живот, за своите пријатели и семејството, но не и за кариерата“, изјавил Милер.