Алек Болдвин за прв пат ја покажа новородената ќерка Кармен...

Држејќи ја ќерка си во раце, актерот раскажа колку е среќен што се појавила во неговиот живот. "Јас сум многу среќен и благословен, ги чувствувам сите овие работи што човек ги чувствува кога има бебе", вели Болдвин.

Иако во моментов Кармен има сини очи како тато, Алек се надева дека ќе стане привлечна како неговата сопруга, која е инструктор по јога. "Се надевам  да изгледа како мајка и. Во спротивно би било губење на време да се оженам за жена како оваа, а детето да личи на мене", се шегува актерот.

Сопругата на Болдвин Хилари вели дека како и повеќето новороденчиња и ќерка и се менува секој ден. "Таа личи на себе ... секој ден се менува толку многу", раскажува мајката. 29-годишната бринета изјави дека мајчинството и се допаѓа и не може да престане да ја гледа малата ќерка.

"Искрено ова е сонот. Секој ден имам проблеми со спиењето, затоа што сакам да ја гледам. Тоа е љубов, од која боли. Сакам да сум сигурна дека тоа е добро во секој момент ... едноставно е неописливо" , вели Хилари.

Кармен се роди на 23 август и најсреќниот Болдвин веднаш ја сподели среќната вест на Твитер.