Кание Вест сака голема и раскошна свадба...

36-годишниот рапер Кание Вест не ја крие желбата за голема церемонија, кога ќе застане пред олтар со неговата девојка Ким Кардашијан, но таа инсистира за значително помала прослава, бидејќи ова ќе биде нејзин трет брак. Пред тоа Ким беше омажена за музичкиот продуцент Дејмон Томас и за кошаркарот Крис Хамфрис.

"Кание никогаш не бил женет и сака голема свадба, па Ким полека се навикнува на идејата. Тој сака нешто навистина одлично и големо. Но, нема да биде кич, ќе биде со добар вкус", откри запознаен извор за списанието "US Weekley".

Блиски извори до Кание сметаат дека тој е пораснат, откако стана татко на малата Норт во јуни и е среќен од својата врска.

"Кание е вљубен во Ким со години. Сега тој е толку среќен и има сериозни намери кон неа. Тој порасна брзо и стана многу зрел. Изгледа порелаксирано, одлично е да го гледаш толку среќен. Кание им рече на пријателите и семејството, дека ќе се ожени за Ким уште на денот, во кој се запозна со неа. И е решен да го направи тоа", додаде изворот.