Американската поп пејачка Анастасија успеа по втор пат да ја добие борбата против ракот на дојката...

"Се ослободив засекогаш од ракот", напиша 44-годишната пејачка на Tвитер.

Таа призна дека вториот пат нејзината борба со предавничката болест била поинтензивна и се заблагодари на сите свои фанови за поддршката која и ја упатија.

Пејачката дозна дека опасната болест повторно надвисна над неа во февруари оваа година, во пресрет на Европската турнеја, што требаше да започне во месец април од главниот град на Велика Британија.

За првпат нејзините лекари и открија рак во 2003 година. Тогаш Анастасија се подложи на операција и хемотерапија и успеа да се справи со болеста.