Адел доби восочна фигура во музејот на Мадам Тисо. Пејачката, која претходно оваа година освои Оскар за песна на новиот филм за Џејмс Бонд, од денес веќе има своја фигура во реална големина во музејот во Лондон...

Таа успеала да ја види восочната фигура пред официјалното претставување и коментира: "Тоа е страшно, неверојатно. Малку сум возбудена".

24-годишната пејачка, која се повлече од светлата на рефлекторите откако го роди својот прв син Анџело од своето момче Симон Конеки во октомври 2012 година, ја одобрила восочна фигура. "Тие дури ми ја направиле и брадата!" се изненадила таа.

Восочната фигура на Адел е облечена со фустанот од церемонијата на доделување на наградите Греми во февруари минатата година, кога таа однесе шест од најпрестижните американски статуетки за мултиплатениот албум "21".

"Адел е само еден од најуспешните, сакани и популарни изведувачи во светот и заслужува место тука, во Мадам Тисо во Лондон. Сакавме да ја пресоздадеме како динамичен изведувач и се надеваме дека сме го постигнале тоа. Таа е една од највлијателните и допаднати британски женски изведувачки во историјата и изгледа токму како дома до другите поп великаните", изјави ПР менаџерот на музејот Никол Фенер.