Телевизиската водителка Опра Винфри подари 12 милиони долари на одделот за афроамериканската историја и култура на Народниот музеј Смитсонијан во Вашингтон...

Донацијата на ѕвездата ќе помогне за покривање на трошоците на зградата, која во моментов се гради и треба да се отвори во 2015 година. Поради великодушноста на 59-годишната ТВ водителка, раководството на музејот ќе крсти 350-члениот театар, кој исто така е дел од комплексот , на нејзино име.

"Многу се гордеам со афроамериканската историја и нејзиниот придонес за нашата земја како целина. Ги ценам високо оние кои го отворија патот за мене, и сите кои одат по нивните чекори. Со инвестирањето во овој музеј, сакав да покажам дека ние ја негуваме и чуваме нашата култура и историја, па приказната за тоа кои сме ние да стигне до следните генерации", изјави Винфри.

Во 2007 година ТВ водителката, која е дел од консултантскиот совет на музејот од речиси една деценија, донираше еден милион долари на организацијата.