Британскиот регулатор ја окарактеризира како сексистичка и ја забрани ТВ рекламата со Памела Андерсон, која танцуваа по бикини и се полива со шлаг...

Комитетот за рекламните стандарди издаде забрана, откако ја разгледа жалбата на четворица телевизиски гледачи, кои искажале незадоволство од видеото. Првично рекламата имаше дозвола за емитување по 21:00 часот, но сега Пем паѓа трајно од екранот.

Образложението на регулаторот е дека "рекламата го понижува достоинството на жените". Од австралиската компанија "Dreamscape Networks" која го направи видеото, изјавија дека во него нема ништо сексистичко, ниту понижувачко бидејќи Памела Андерсон е прикажана како "атрактивна, и сигурна во себе деловна жена".

Во рекламата Пем, облечена во сериозен костим, одржува состанок со свои соработници од машки пол. Нејзината асистентка исто облечена деловно, носи кафе со шлаг. Во својата имагинација, сепак еден од присутните мажи ги гледа двете како танцуваат на плажа во костим за капење и покриени со шлаг.