Поп ѕвездата Шакира донесе многу сериозна нова улога во својот живот, да биде мајка. Пејачката и нејзиното момче - фудбалерот Жерар Пике ја добија својата прва рожба Милан пред 4 месеци...
"Доењето е едно од најубавите нешта во мојот живот. Не можам да запрам. Мислам дека ќе продолжам да го дојам додека тргне на колеџ", изјави Шакира, пишува "Дејли Меил". Пејачката мисли дека токму доењето и помага да влезе повторно во форма по раѓањето на бебето Милан.
Шакира е изненадена колку мирно минуваат првите месеци од нејзиното мајчинство: "Мислев дека ќе бидам супер моќна и ќе ги контролирам сите, како што правам во музиката. Уживам да раководам. Но, со него сум толку опуштена. Претпоставував дека ќе бидам од оние хистерични мајки кои задушуваат деца, но јас воопшто не сум нервозна", коментира пејачката.
