Иако денес изгледа одлично и на многумина им е омилена поради нејзините облини, Кимберли Волш призна дека никогаш не била среќна со својот изглед...



Во интервју за Cosmopolitan body, 31-годишната Кимберли Волш, отворено проговори за борбата со тежината на нејзиното тело.



„Како и повеќето жени, во тинејџерските години бев претежно на диета, се сеќавам дека внимавав што јадам пред секое големо снимање. Секогаш функционираше диетата, но тие беа со краткорочно дејство. Секогаш кога ќе престанев со диета, веднаш ги јадев оние работи што си ги забранував.“, признава таа.

„Килограмите се враќаа, и така постојано се вртев во круг. Секогаш бев свесна дека имам голем задник, имаше многу девојки на училиште кои имаа слично тело како мене. Сфатив дека не се вклопувам во групата на слаби девојки и по некое време се помирив со тој факт. Подоцна, кога видов дека ѕвездите како Џенифер Лопез и Бијонсе станаа популарни благодарение на своие облини, бев многу среќна!“, раскажала Волш.



Освен што ја освои Европа со нејзината последна турнеја со „Girls Aloud“, на Кимберли и цветаат рози и на приватен план. Пејачката е веќе 9 години во врска со Џејсон Скот, а неодамна призна и дека во никој случај не брза да заплови во брачни води.