Холивудската ѕвезда бара од своите деца дома да зборуваат само на француски јазик. Кога ќе прозборат на англиски, им го свртува грбот.

Анџелина е строга мајка. Таа и Бред Пит имаат шест деца, но, секако, на неа е најтешкиот дел од работата дома и околу воспитувањето на децата. За да ги смири, затоа што често дивеат по дома, 37 годишната холивудска актерка вовела правила на однесување, а едно од нив е дека дома мораат да зборуваат на француски јазик.

Откако неодамна се преселија во еден замок во Франција, холивудскиот пар сака нивните деца да научат и француски јазик и ги запишале на училиште.

„Таа сака да им овозможи најдобро образование, а тоа значи и дека мораат да зборуваат повеќе јазици. Анџелина, инаку, е маѓепсана со се што има врска со Франција“, велат извори блиски на парот.

Наводно оди до толку далеку што од децата бара дома да зборуваат само на француски.

„Ако и постават прашање на англиски јазик, таа само им го свртува грбот и си оди. Само ако ја прашаат нешто на француски таа им одговара“, велат оние кои го виделе тоа.