Актерот Иан Мекелен откри дека ќе ги венча своите долгогодишни пријатели.

Мекелен, познат како Гандалф од трилогијата „Господарот на прстените“, рече во една емисија дека ќе биде „матичар“ на венчавката на актерот Патрик Стјуарт.

„Ќе ги венчам Патрик и неговата партнерка Сани. Во државата Масечусетс, каде што живеат тие, дозволено е личност која нема овластување од општината или некоја верска заедница да венча двајца луѓе“, рече тој.

Мекелен, кој со години отворено зборува за својата хомосексуалност, рече дека ова нема да му е прв пат да биде матичар.

„Венчав двајца свои пријатели, и тоа беше многу емотивен момент. Тие беа пресреќни, а јас плачев како дожд да лееше од мене.“

Популарниот постар актер се пошегува дека ќе мора да избере свадбена комбинација на алишта за венчавката, за да не ја „засени невестата“.