Даниел Крејг очигледно не саака да го фотографираат додека оди во набавка на храна.

Крејг, актуелниот Бонд, бил во шопинг со сопругата Рејчел Вајс во супермаркет во Њујорк, кога еден фан почнал да ги фотографира со мобилен телефон.

Актерот толку се изнервирал, што го нападнал обожавателот, прво вербално, а потоа му го зел телефонот.

„Дали ти е возбудливо што ние сега купуваме храна? Дали е можно некого да го интересира што сега правиме мојата жена и јас?“ се дерел Крејг, а потоа му го зел телефонот на обожавателот.

Се би се случило, велат сведоците, ако Вајс не скокнала на помош за да ја смири ситуацијата. Најпрво го одвела Бонд на страна, потоа му се извинила на обожавателот и го замолила да ја избрише сликата.

Крејг не важи за човек со „краток фитиљ“, но не крие дека не сака некои работи кои неизбежно доаѓаат со славата.

„Приватноста е работа која не можете да ја купите, ниту повратите, еднаш кога ќе ја изгубите“, рече своевремено Бонд.