Мишел Обама ја предводи листата на "Sunday Times" на најдобро облечени познати личности во светот...

Првата дама на САД беше пофалена за тоа дека ја користи модата како "сила за добро", а на листата се наоѓаат уште кралица Елизабета II и британската внатрешна министерка Тереза ​​Меј. Списанието "Sunday Times Style" ја одреди 49-годишната Мишел Обама како "жена која сфаќа дека нејзината улога како прва дама е главно поврзана со визијата и модата, и може да биде сила за добро што се користи за да инспирира и забавува".

56-годишната Тереза ​​Меј беше прогласена за жена со "најубави нозе во кабинетот". Во топ 25 влегуваат уште поранешната пејачка од Спајс Грлс, а сега модната дизајнерката Висторија Бекам, 6-годишната ќерка на Бред Пит и Анџелина Џоли Шајло Џоли-Пит и актерката Хелен Мирон.

"Различната природа на оваа листа ја покажува важноста на модата како целина, потврдувајќи ја улогата на облеката за создавање на визуелна порака. Охрабрувачки е дека меѓу 25-те лица, почесени денес, нема двајца со сличен изглед, сите тие заземаат поинакво место во модниот спектар, користејќи свој вкус и расудување, за да создадат уникатен стил кој инспирира", изјави главната уредничка на списанието Тифани Дрејк.

Истовремено уредниците на списанието ја одредија Лејди Гага за најлоши облечената славена личност.