На актерката и е понудено да се договори со судот поради кршење на условната казна. Наводно, ја одбива спогодбата.

Линдзи Лохан (26) ќе мора на 18 март да се појави пред судијата за да одговара за сообраќајната незгода која ја предизвика минатата година. Актерката тогаш на полицијата ја излажала дека не возела таа, и со тоа ја прекрши условната казна добиена во 2011 година поради кражбата на една огрлица.

Ако се препушти на милост и немилост на судот, и се закануваат неколку месеци затвор. Обвинителството и понудило да „одлежи“ 90 дена во домашен притвор, или да оди на задолжителна рехабилитација во траење од неколку месеци.

Актерката наводно не сака да се договори, туку сепак ќе си ја проба среќата пред судијата, но адвокатот Марк Хелер вели дека би требало да ја прифати спогодбата.

Актерката и пејачка веќе неколку пати беше во затвор и на лечење, па судот веројатно нема да и биде наклонет.