Две популарни актерки останале без фраери оваа недела, а се поради врската на далечина.

Мишел Вилијамс (32) и Џејсон Сигел (32) ја раскинале својата врска по година дена забавување.

Вилијамс, која од врската со покојниот актер Хит Леџер ја има шестгодишната ќерка Матилда, веќе не можела да ја поднесе врската на далечина.

Сигел е комичар кој и е познат на широката јавноста како симпатичниот Маршал од серијата „Како ја запознав мајка ви“, а играше и во филмовите „Мапети“, „Заборавајќи ја Сара Маршал“, „Лоша учителка“ и други.

Без дечко остана и канадската убавица Рејчел Мекадамс. Ѕвездата на филмовите „Бележник“, „Заветот“ и други ја раскина двегодишната врска со актерот Мајкл Шин.

Убавата русокоса (34) и британскиот актер (44) се смуваа на снимањето на филмот „Полноќ во Париз“ на Вуди Ален, но по две години сепак раскинаа.

И оваа врска „пукна“ поради големата оддалеченост на парот и поради работните обврски.