Долгогодишното пријателство на Џенифер Лоренс и Енди Стронк, 23-годишниот пријател кој има Даунов синдром, за многумина беше уште една причина да ја засакаат овогодинешната добитничка на Оскар за филмот "Во добро и во лошо"...
Џенифер и Енди се познаваат уште од основно училиште, а Енди за својата пријателка рекол: "Ние сме најдобри пријатели. Таа е добра личност. Мислам дека има дух".
Во прилогот кој се појави на Јутуб зборува и мајката на Енди која исто така има само убави зборови за Џенифер која пораснала во истото соседство. Исто така, можеме да ја видиме и новата фотографија кога Џенифер го поканила Енди да и се придружи на црвениот тепих.
Глумицата неодамна му пратила потпишан постер кој Енди го ставил во колекцијата предмети кои го потсетуваат на Џенифер. Иако не можел да и се придружи на оскарите, целиот настан го следел облечен во смокинг.
