Пејачката вели дека најмалку шест месеци ќе се повлече од јавноста за да се одмори и да почне со снимањето на нов албум.

Емели Санде, пејачката која светот го освои со своите настапи на отварањето и затварањето на Олимписките игри во Лондон, по доделувањето на Brit музичките награди ќе се повлече затоа што сака да се посвети на самата себе и на нејзината најголема љубов - музиката.

„Ќе ми годи малку да се одморам од се, а верувам дека ќе биде возбудливо да се вратам повторно во ценарот на медиумското внимание. Нева сите шест месеци да одмарам, затоа што јас не го умеам тоа. Веројатно постојано ќе ‘висам’ во студиото. Музиката е моја најголема љубов и време е да почнам со работа на вториот албум“, вели Санде.

Емели својот прв сингл Heaven го издаде во август 2011 година, а албумот Our Version of Events од кој се издвоија сингловите Next To Me и Beneath Your Beautiful сериозно и се закани на најбараната британска пејачка Адел.

Нејзиното првенче по објавувањето беше најпродаван албум во Британија со „разграбени“ повеќе од милион копии.