Фудбалерот на американскиот национален тим на својот блог призна дека е хомосексуалец и дека поради тоа ќе се откаже од занимавањето со фудбалот.

Роби Роџерс (25) напиша дека меѓу фудбалот и себеси го избрал второто и дека повеќе нема враќање назад.

„Штотуку симнав огромен терет од грбот. Отсекогаш мислев дека тајната ќе можам да ја чувам вечно, а фудбалот беше моето бегство од реалноста. Уживав во фудбалот повеќе отколку што можев да замислам, но време е да се откријам себеси без фудбалот. Не можам повеќе да лажам, мојата тајна е откриена и сега јас сум слободен човек.“

Роџерс за американскиот национален тим одигра 18 натпревари, а моментално има договор со англискиот тим Лидс Јунајтед.