Продуцентот познат по „остриот јазик“ сега го нападна дечкото на Ким Кардашијан. Не поради неа, туку поради музиката на раперот.

Канадскиот DJ и продуцент Deadmau5, кој своевремено ја критикуваше Мадона што на музичката сцена ја врати денс музиката, во интервју за списанието Vibe сега плукаше по Кание Вест.

На прашањето за соработка со други музичари и нивните настапи во живо и совети како би можеле да се вклопат во неговите визуелно единствени настапи, Deadmau5 едноставно кажа: „Би работел со било кој, освен со Кание Вест. Него е**но го мразам! Ништо негово не ми се допаѓа.“

Кание се уште нема реагирано, но сигурно нема да му остане должен кога списанието Vibe, на чија насловна страница е познатиот DJ со пејачката Мери Џеј Блајџ, ќе се појави во продажба.