Актерот повторно заврши во затвор затоа што ја прекрши условната казна.

Едвард Фурлонг (35), ѕвезда на филмовите „Терминатор 2“, „Американска историја Х“ и други, веќе долги години се бори со болестите на зависност.

Актерот вчера се обидел да стапи во контакт со поранешната сопруга, која веднаш ја повикала полицијата и Фурлонг е уапсен и префрлен во затворот во Лос Анџелес.

Фурлонг во 2010 година е осуден на три години условна казна, кога судот му забранил да и се доближува на својата поранешна сопруга Рејчел Бели. Парот го има синот Итан, над кого Бели има старателство.

На Едвард му е забрането да поминува време со детето без надзор на социјален работник, бидејќи во системот на Итан е пронајдена трага од кокаин, затоа што актерот веројатно пушел крек додека синот бил кај него.

Фурлонг во последната половина година е уапсен два пати затоа што физички ја нападнал својата сегашна девојка.