Метеж на аеродромот поради познатиот пар кој ја „прескокнал“ контролата пред качување во авионот.

Ким Кардашијан и Кание Вест направиле метеж на аеродромот JFK во Њујорк, откако долетале со прекуокеански лет и планирале да продолжат да летаат кон Калифорнија.

Од непозната причина, старлетата и раперот во следниот авион се пуштени без поминување на редовната безбедносна контрола, што е нечуено во Америка, каде безбедноста на аеродромите се третира многу сериозно, посебно по терористичкиот напад на 11 септември 2001.

Кога обезбедувањето го воочило пропустот, авионот е запрен пред полетувањето, а Ким и Кание се извадени за да им го прегледаат багажот и да поминат низ детекторот за метал.

Не е познато дали работникот на аеродомот кој ги пуштил без контрола ќе сноси било какви последици.

Ким и Кание неодамна соопштија дека го чекаат првото дете.