Адел му одржа лекција на младиот пејач поради гафот кој го направи на овогодинешното доделување на Grammy наградите.

Традиционално, на доделувањето на шоубизнис наградите, сите присутни ги поздравуваат добитниците со аплауз и, во поголем број од случаите, со стоечки овации.

Крис Браун е снимен како лежерно седи со прекрстени нозе додека Френк Оушн ја добива својата прва Grammy награда за најдобар албум во урбано-современ жанр.

Браун и Оушн пред неколку недели се степаа пред едно студио, а Браун наводно му се заканил на пејачот дека ќе го убие и го изнавредил на сметка на неговата сексуална ориентација.

Камерите прво го овековечија Крис како седи и не се замара со фактот што Оушн прима награда, а потоа и Адел, која му пришла на Крис потоа и му одржала лекција за однесување.