... тоа ќе ви биде сосема безбедно искуство, ве уверува тој во емисијата на Хауард Стерн.

Најпознатиот американски радио водител и познатиот британски комичар „ги вркстија роговите“ во емисијата, а темата била контрацепција. Всушност, темата беше односот на Бренд со поранешната сопруга Кети Пери и разни девојки, а се за малку прераснало во расправија бидејќи Стерн инсистирал дека Бренд не носи кондоми?!

„Зборував со Хауард за се и сешто, но тој упорно ја враќаше темата за кондомите и ме убедуваше дека јас ‘сигурно не ги користам’. Еве, да потврдам уште еднаш иако кај него потврдив сто пати - користам кондоми“, рече Бренд, кој беше изненаден со „нападот“ кај Стерн.

Бренд, инаку поранешен зависник од дрога и секс, се пошегува дека веќе помислил дека на Стерн ќе мора „да му докаже на дело“ дека практикува безбедни односи.

„Не знам зошто беше толку опседнат со таа тема, звучеше како долго да размислувал за мене и кондомите“, рече Бренд.

Комичарот, во свој фазон, им препорача на сите фанови „секогаш да носат кондом, дури и кога немаат секс“.

„Подобро да го ставите секо утро кога ќе станете, па ако се покаже прилика за нешто, да бидете подготвени. Безбедноста на прво место“, рече Бренд.