Американскиот актер виден е во друштво со Афердита Дрешај, девојката која го претставуваше Косово на Мис Универзум 2011 година. Таа вели: „Ние сме само пријатели“.
Леонардо Ди Каприо има своја „колекција“ убави жени, а светските медиуми сега шпекулираат дека нашол нова.
Тој е виден во Мајами со русокоса девојка чиј идентитет е откриен. Станува збор за Афердита Дрешај која во 2011 година го претставуваше Косово на Мис Универзум.
„Но, ние само се дружиме како пријатели“, изјави Афердита.
Ди Каприо моментално е слободен, откако минатата година ја раскина врската со Ангелот на Victoria's Secret Ерин Хедертон.
Актерот беше во врски со манекенките Бар Рафаели, Жизел Буншден, Алис Крафорд, како и со колешката Блејк Лајвли.
Кон средината на декември, значи месец дена по раскинувањето со Ерин Хедертон, медиумите шпекулираа дека е во врска со 22 годишната Марго Роби, која ја запознал на снимањето на филмот Тhe Wolf of Wall Street.
