Само два месеци откако му е зашиено увото, кое го повреди за време на масовна тепачка во Швајцарија, контроверзниот пејач доживеа уште една непријатна епизода.

Менсон изгубил свест за време на концертот во Сасктаун, Канада. Во моментот кога тој ја изведувал песната Beautiful People, тој едноставно се срушил.

Снимки од падот набргу го преплавиле YouTube, каде може да се види како нагло престанува да пее, се тетерави и паѓа.

Членовите на бендот во првиот момент не знаеле што се случува, па продолжиле да свират, но кога виделе дека не станува, скокнале да му помогнат.

Според пишувањето на медиумите, пејачот по падот непрекинато повраќал и уште нема информации за неговата моментална состојба.

Минатата година во Швајцарија, лекарите на Менсон мораа да му го зашијат увото, кое за малку го „изгубил“ и тогаш заработи 24 конци.