Пресметката на Лејди Гага и асистентката која ја тужи станува се поинтересна.

Џенифер О’Нил ја тужеше пејачката, чие вистинско име е Стефани Германота, поради неисплатен хонорар за прекувремена работа во износ од 380.000 долари. Џенифер наведува дека за време на соработката со пејачката морала да се грижи за секој нејзин каприц, па дури и да спие со неа во креветот кога Гага не можела да заспие.

Пејачката се огласи преку соопштение во кое страшно плукаше по својата поранешна асистентка.

„Само ти продолжи да живееш на грбот на родителите, чекајќи јас да ти дадам некој долар. Нема да видиш ниту центче, затоа што не ти давам пари. Би ги искористила за да си купиш нова маичка, а јас можам многу подобро да ги искористам истите тие пари“, почна Гага.

Пејачката, ангажирана во бројни хуманитарни акции, наведе дека парите кои асистентката ги бара ќе и ги уплати на друга соработничка која боледува од рак на дојка.

„Ти нема да добиеш ниту центче, а Соња ќе ги добие парите кои и требаат за операција“, пресмета Гага.

Се чека реакцијата на поранешната аститентка.