Пејачката поради огромните проблеми со тремата оди на хипноза.

Адел уште од почетокот на кариерата не криеше дека има голем проблем со тремата, и дека е анксиозна кога мора да настапи пред поголем број на луѓе. Бидејќи настапувањето, за нејзина жалост, е составен дел од кариерата која ја има избрано, морала да побара помош од хипнотизер.

Адел се подготвува за настап на доделувањето на Оскарите, каде во живо ќе ја испее Skyfall, песната која ја сними за истоимениот филм за Џејмс Бонд.

„Секојдневно вежба со оркестарот и, што се однесува до вокалот, е подготвено, но страда поради тремата. Се сеќава дека пред доделувањето на Греми наградите повраќала од нервоза и не сака да го повтори тоа“, рече извор близок на пејачката.

Затоа Адел оди на третмани со хипноза, кои би требале да и ја излечат тремата. Дали ќе и успее, ќе дознаеме на 24 февруари на доделувањето на Оскарите.