Парот наводно планира посвојување на дете од Кина, пишуваат американските таблоиди.

Бред Пит и Анџелина Џоли наводно планираат следното дете да го добијат со посвојување, па „меркаат понуда“ во Кина. Парот, според пишувањето на американските таблоиди, веќе почнал да учи мандарински јазик за да можат да комуницираат со приновата.

Познатиот пар веќе има шест деца, од кои три се посвоени. Анџелина сама во 2002 година го посвои Медокс од Камбоџа, потоа се запозна со Пит и со него во 2005 ја посвоија Захара од Етиопија. Во Намибија во 2006 година го роди нивното прво заедничко дете, ќерката Шајло, па речиси година дена подоцна сама го посвои Пакс од Виетнам, затоа што тамошниот закон не им дозволува на невенчани парови да посвојуваат. Биолошките близнаци на парот, Вивиен и Нокс, се родени во Франција во 2008 година.

Американскиот Star неодамна пишуваше дека парот сепак седмото дете ќе го добие по придоден пат затоа што Анџелина е повторно бремена, но Бред и Оскаровката се немаат „традиционално“ огласено по повод тие озборувања.