Пејачката конечно и официјално потврди дека повторно е во врска со Крис Браун и вели дека сега е посреќна од било кога.

Иако и на „птиците на гранката“ им беше јасно дека Ријана се врати во прегратката на дечкото кој брутално ја претепа во 2009 година, тие двајцата прво се демантираа, потоа почнаа да објавуваат заеднички фотографии, а сега пејачката ја „отвори душата“ за списанието Rolling Stone.

„Ако згрешив, јас згрешив и тоа не е ничија работа. Сега сме свесни што имаме и знаеме што не сакаме да изгубиме. Тоа што се случи пред четири години е сега зад нас и во овој период меѓусебно се променивме за да постои и најмала шанса да се случи нешто слично и сега не би биле заедно да не беше така“, изјави Ријана за престижното списание на чија насловна се наоѓа.

Меѓутоа, нејзиниот дечко пред само неколку дена го претепа музичарот Френк Оушн, и доколку се докаже дека е виновен ќе оди зад решетки...