Полицијата интервенирала по тепачката на пејачот и Френк Оушн.

Крис Браун и Оушн наводно се степале пред едно студио во Лос Анџелес, и тоа поради паркинг место, пишува американскиот печат.

Инцидентот се одиграл во недела навечер пред Вестлејк студиото, каде Браун дошол да ги слушне снимките од некои млади изведувачи, а кога тргнал, сфатил дека Оушн се паркирал на тој начин што нема да може да излезе од него.

Оушн на Twitter напишал „извештај“ за инцидентот, и додал дека поради повреда на прстот нема да може да свири клавијатури на доделувањето на Греми наградите.

Според полицискиот извештај, Браун се води како напаѓач, а Оушн како жртва. Браун не ја чекал полицијата, туку по тепачката го напуштил паркингот.

Ова не е прв пат Браун и Оушн да се закачат. Кога минатата година Френк објави дека е геј, Крис за него јавно употреби погрден израз, навреда на сметка на сексуалната ориентација.

Насилната страна на Браун не е тајна. Ја претепа Ријана пред четири годин, а минатата година тој и Дрејк се степаа во еден клуб, иако нивните припадници на обезбедувањето официјално ја презедоа вината врз себе.