Пејачката Кети Пери го исполни тинејџерскиот сон - водеше телевизиско шоу и тоа облечена како маж. Со бркови.

Стана позната пејачка, но нејзиниот тинејџерски сон бил малку поинаков. Сакала да стане шоумен или домаќин/ка на телевизиско шоу.

Кети Пери во петок вечерта го оствари својот тинејџерски сон. Се појави во шоуто на Елен Деџенерис во улога на ководителка. Поточно, ководител, затоа што пред публиката во студиото и телевизиските гледачи излезе облечена како маж од ’70-тите години.

Сето тоа беше дел од програмата замислена по повод 55 роденден на познатата водителка.

„Штотуку дознав дека еден мој пријател отсекогаш сонувал да биде водител на вакво шоу. Сега сум во прилика да му го остварам тој сон. Дами и господа, поздравете ја Кети Пери“, така Елен Деџенерис ја најави гостинката.

Облечена во ретро стил, мода како во „Лудите седумдесети“, пејачката одлично се забавуваше. И беше смешна.

Покажувајќи на периката кажа: „Очигледно сум го барала стилот на Ен Хетавеј!“