Додека тој се бакнува со порно актерка четири години помлада од неговата најстара ќерка, неговата поранешна сопруга соопшти дека контроверзниот актер на есен ќе стане дедо.

Најстарата ќерка на Чарли Шин, Касандра (28), е бремена. Меѓутоа, кај Чарли ништо не може да биде едноставно, па така ни оваа вест со светот не ја подели идната баба и првата сопруга на Чарли, Паула Профит, туку втората сопруга на Чарли, актерката Денис Ричардс.

„Мислам дека веќе сте слушнале... Чарли Шин ќе стане дедо. Неогвата преубава ќерка Касандра ќе стане мајка“, напиша Денис на Twitter, а по неколку часа и самиот Чарли ја потврди оваа вест при гостувањето во едно телевизиско шоу.

„Јас дедо, па тоа е како земјата да се расцепила точно на средината... Се шегувам, навистина сум среќен. Тоа не е само титула, неверојатно е и целосно сум подготвен да бидам дедо“, рече Чарли.

Шин до сега се има оженувано три пати и има пет деца, а моментално е во врска со 23 години помлада порно актерка.