Така му пишува во договорот.

Џејсон Тревик никогаш нема да открие што се случило меѓу него и Бритни Спирс, затоа што договорот што го потпишал со пејачката го обврзува на молчење.

Тревик и Бритни беа верени година дена, а раскинаа минатата недела. Деталите од раскинувањето, а и од врската, нема да ги слушнеме од бившиот менаџер, бидејќи минатата година со Спирс потпишал договор за молчење.

Договорот е направен кога Тревик официјално стана еден од старателите на Бритни, заедно со нејзиниот татко Џејми.

„Ви благодарам на сите за зборовите на поддршка“, напиша кратко Тревик на Twitter каде што има 22.000 следбеници.

Американските медиуми се насладуваат со раскинувањето, па така People пишува дека раскинале затоа што Бритни сакала уште деца, а Џејсон не сакал, додека Radar Online тврди дека било обратно - тој сакал, а таа не.

Бритни од бракот со танчерот Кевин Федерлајн има два сина, седумгодишниот Шон Пресон и шестогодишниот Џејден Џејмс.