Пејачката најави повлекување од музиката, за да може да и се посвети на актерската кариера.

Кајли Миног (44) ќе престане да се занимава со музика, за да има доволно време да и се посвети на кариерата на телевизијата и филмот.

Сексипилната ѕвезда оваа одлука ја „прослави“ со отпуштање на менаџерот Тери Блеми, кој ја лансираше како пејачка.

„Кајли мисли дека постигна се што можеше во светот на музиката, и дека е време глумата да и стане главно занимање“, вели извор близок на Миног.

Австралијанката се прослави со улога во серијата „Соседи“, а ја гледавме во филмови како „Уличен борач“, „Мулен руж“ и други. Наскоро ќе ја претстави француската фантазија Holy Motors, а во филмот Jack and Diane има многу жешки сцени.