Славниот рапер вели дека е маѓепсан од индијските филмови и дека нема да се врати од Мумбај се додека не добие улога во некој боливудски филм.

Снуп Дог во 2008 година раподеше дел од музичките теми за индијскиот филм Singh Is Kinng, а сега сака да си ја проба среќата и пред камерите.

„Го сакам Боливуд и единствено нешто што сега го сакам е да најдам режисер кој ме сака во некој свој филм. Нема да се откажам од тоа и се надевам дека наскоро ќе добијам некоја улога“, им кажа раперот на новинарите на конференцијата во Мумбај на која ја најави својата турнеја во Индија.

Снуп и во Холивуд веќе има статус на филмска ѕвезда, а за прв пат на филм се има појавено во почетокот на деведесетите и од тогаш има глумено во десетина филмови, во главно комични улоги.