По развлекување на разводот повеќе од година дена, кошаркарот се смири со Ванеса.

Коби и Ванеса Брајант соопштија дека на својот брак ќе му дадат уште една шанса.

„Мило ни е да ве известиме дека се смиривме. Процесот на развод ќе биде откажан. И се радуваме на заедничката иднина“, соопшти парот.

Поранешната танчерка поднесе барање за развод од играчот на Лејкерс во декември 2011 година и како причина ги наведе бројните неверства на познатиот кошаркар - наводно ја изневерил повеќе од 100 пати.

Коби и Ванеса се венчаа пред 11 години, кога тој имаше 21 година, а таа само 18. Бракот го потресе првиот скандал во 2003 година, кога собарката на еден хотел го обвини Брајант за силување. Иако обвинувањето е отфрлено, кошаркарот призна дека имал „сексуална средба“ со неа.

Парот има две ќерки, десетгодишната Наталија Дијаманте и шестогодишната Џана Марија-Оноре.