Парот за магазинот “People“ потврдил дека застанал на “лудиот камен“. Со денови се шушкаше дека Џастин и Џесика овој викенд ќе се венчаат, но сите ги надитриле и венчавката ја направиле во целосна тајност некаде во Италија...

“Совршено е да се биде во брак. Венчавката беше преубава и прекрасно е чувството да бидеш во кругот на семејството и пријателите“, изјавил парот во соопштението за американскиот таблоид кои наредната недела ќе објави фотографии и детали од венчавката.

Свадбената веселба на Џастин (31) и Џесика (30), кои се верија во декември минатата година, траела речиси цела недела, и тоа наводно на приватниот имот во Бриндизи.