Актерот пет месеци поминал на југот од Англија каде што снимил два филма, а на соседите со риба и пржени компирчиња им се заблагодарил на гостопримството.

Бред Пит ги почестил соседите во Сари, во јужниот дел на Велика Британија каде што живееше последните пет месеци со своето семејство. Имено, згодниот актер таму снимил два нови филма, а пред враќањето во Америка одлучил да се опрости од своите гостољубиви соседи со голема забава.

На најблиските соседи им го подготвил нивното традиционално јадење - риба и пржени компирчиња, кое многу го засакал за време на престојот во Англија. „Откако отиде да снима во Велика Британија, Бред се повеќе почна да се занимава со кујнски работи, сам се пеглаше и чистеше и секогаш им правеше вечера на децата кога Анџелина беше отсутна. Се претвори во вистински семеен човек“, рече пријател на популарниот актер.

Сигурно има нешто во тој британски воздух затоа што Роби Вилијамс во целосност се промени и исто така стана семеен човек откако се врати во родниот крај.