На неодамнешното модно шоу на Шанел во Париз, Џенифер Лопез е фотографирана со голем дијамантски прстен на левата рака.

Прво што на светските медиуми, се разбира, им паднало на памет, било дека нејзинот помлад дечко Каспер Смарт конечно го поставил судбоносното прашање. Фотографите ја „фатиле“ додека излегувала од автомобилот да ја прими ќеркичката Ема за раката, а тие кои будно го следат секој чекор на славната пејачка тврдат дека овој моден додаток уште немале шанса да го видат на неа, па сама се наметнала претпоставката дека латино дивата - се верила!

Пејачката е целосно вљубена во својот некогашен танчер, и ако уште во јули се појавија гласини дека парот се верен, исто така поради дијамант на нејзината рака, таа ги демантираше истите со зборови од нејзиниот стар хит: „Немојте да ве излажат скапоцените камења што ги носам“. Меѓутоа, медиуите сега нагаѓаат дека нејзиниот дечко овој пат сепак одлучил да ја запроси и тоа во најромантичниот град на светот, а таа, до сега, нема ништо демантирано.