Бред Пит и Анџелина Џоли нарачале венчални прстени од 500 000 фунти од водечкиот дизајнер за луксузен накит Роберт Прокоп...

"Роберт беше зафатен во текот на целата година поради прстените на Бред и Анџелина. Тие се изработени од розово злато и украсени со дијаманти, а одозгора се изгравирани нивните венчални завети. Надписот неможе да се види со голо око, но и двајцата знаат дека тој е таму.", откри извор за британскиот таблоид "Сан". Прстените се веќе подготвени по неколкумесечна работа во Јужна Франција.

Во меѓувреме стана јасно дека ѕвездената двојка влегла во духот на Олимписките игри во Лондон, откако на 11-годишниот син Мадокс му подариле поклон со олимписка тематика. Актерите во моментов живеат во Surrey, каде Анџелина го снима својот нов филм "Maleficient". Тие го изнајмиле целиот спортски центар со атлетска патека за роденденот на синот.

"Бидејќи роденденот на Мадокс се падна точно во средината на игрите, тие сакаа да му подарат нешто посебно по повод Олимписките игри. Тој многу сака спорт. Во спортскиот центар имаше мини атлетска писта и кошаркарско игралиште.", открива изворот.