Спрема тврдењата на луѓето кои ја следат Џенифер Лопез на нејзината актуелна турнеја со Енрике Иглезијас, нејзините 4-годишни близнаци се премногу немирни...

Во текот на секојдневните проби, Макс и Ема времето го поминувале во бекстејџот додека Џенифер и Каспер вежбале на сцената. Но, персоналот никако не можел да излезе на крај со децата. Тие постојано трчале наоколу, ја уништувале скапоцената опрема, ги чепкале каблите и вистинско чудо е што досега не ги удрила струја, вели дел од персоналот.

“Џенифер нема никаква контрола над своите деца. Додека е на проба близнаците трчаат наоколу и прават вистински неред. Тие се препуштени сами на себе, никој не ги чува. Станаа вистински проблем. Ја уништуваат опремата и им ја отежнуваат работата на сите во бекстејџот. Џенифер не ги контролира и се однесува неодговорно”, велат луѓе кои се дел од турнејата за “RadarOnline”.

Ако Џеј Ло не преземе нешто тогаш оваа агонија ќе потрае до 21 август кога во Мајами ќе заврши турнејата на која таа тргна со Енрике Иглезијас. Дотогаш ќе настапат во 20 градови.