Џони Деп е еден од најпосакуваните мажи во светот, осoбено сега кога ја прекина долгогодишната врска со Ванеса Паради...

Наводно, причина за крај на врската меѓу Џони и Ванеса е монотонијата. Џони ја оставил Ванеса бидејќи му станало здодевно и исчезнале љубовните искри меѓу нив.

“Џони повеќе не можеше да биде во врска со Ванеса. Потполно се оддалечија, а тој посака слобода и да проба некои нови работи. Таа врска само го попречуваше и го правеше да се чувствува мизерно. Љубовната хемија меѓу нив одамна исчезна. Џони од својот живот очекува повеќе, а и Ванеса заслужува да биде среќна. Не, Деп не е вплеткан во никаква нова романса и не му паѓа на памет да се впушта во нешто веднаш после прекинот, но секако сака да се забавува”, рекол непознат извор за еден американски портал.

“Џони сакаше да прекинат уште минатата година, не беше вешт во криење на љубовниот бродолом, што му задаваше многу маки. Сега кога се излезе на виделина се чувствува многу подобро”, тврди истиот извор.

Очигледно разидувањето не им паднало тешко и на двајцата, додека Ванеса бара нов дом во Лос Анџелес, Џони се забавува со помладата колешка Амбер Хрд.