"Луѓе, јас сум навистина животно, само што сум облечен убаво", ја започнал Мајк Тајсон приказната за деновите кога навистина го допре дното... 

За “Las Vegas Weekly” oткрил дека еднаш брутално претепал седум проститутки. По тој инцидент отишол на одвикнување од алкохол и дрога, од кои бил зависен долго време.

"Во исто време шмркав кокаин, интравенозно земав морфиум, пиев вијагра и коњак и пушев марихуана. Ги гледав седумте проститутки и станав параноичен. Во мене влезе ѓаволот. Ги натепав, ги навредував и ги избркав", го раскажа боксерот инцидентот што се случил во 2009 година во хотелска соба. Од тогаш е чист, а овие денови започна да настапува во кабаре во Лас Вегас.

Поранешниот светски шампион во тешка категорија има навистина грдо минато. Во 1989 година го остави актерката Робин Гивенс бидејќи ја тепал, па помина три години во затвор поради силување на натпреварувачки на изборот “Miss Black America”. Сепак чашата ја прелиле брутално претепаните проститутки во неговата хотелска соба.