Џенифер Анистон е рамнодушна кон ангажманите на Бред Пит и Анџелина Џоли, соопштуваат американски медиуми...

Поранешната ѕвезда од серијата "Пријатели", која беше мажена за Пит пет години пред тој да се запознае со Анџелина на снимањето на филмот "Господин и госпоѓа Смит", има врска со актерот Џастин Теру и не се интересира за плановите на поранешниот сопруг.

"Таа не е заинтересиран за тоа. Среќна е со Џастин. Веројатно ќе се омажи за него. Таа отвори нова страница во својот живот, луѓето не сакаат да поверуваат, но тоа е така", откри извор познат на сајтот E! News.

Неодамна 43-годишната Анистон изјави дека нејзиниот нов пријател е нејзин заштитник и се надева дека ќе се омажи до крајот на годината.
Двајцата вљубени се подготвуваат да бидат заедно во луксузниот имот во Бел Ер, Лос Анџелес, откако ќе завршат поправките. Во февруари двајцата посвоија куче по име Софи.