По речиси четири месеци од објавувањето дека повеќе не живеат заедно, Хајди Клум поднела барање за развод на бракот.

Парот се растури кон почетокот на годината, а портпаролите на бившите сопружници потврдија дека бракоразводната парница е започната, но не сакале да кажаат дали Хајди ќе бара старателство над нивните четири деца, како ни како ќе го поделат имотот стекнат во седумгодишниот брак.

Порталот TMZ пишува дека барањето за развод е поднесено во Лос Анџелес, а дека „ненадминувачките разлики“ се причина за крајот на нивниот брак.

Хајди Клум и Сил се венчаа во 2005 година и имаат четири деца, а во јануари соопштија дека дојде крајот на нивната љубов.

„Уживавме во седум прекрасни и среќни години брак и по многу преиспитувања одлучивме да се разделиме. И понатаму длабоко се почитуваме еден со друг и многу се сакаме меѓусебно, но тргнавме по различни правци“, наведе тогаш парот во заедничкото соопштение.

Неколку дена подоцна, Сил се појави на една американска телевизија и рече дека постои можност парот да се смири, а сега е сигурно дека нема да има ништо од тоа.