Актерката признава дека е зависна од препарати и ласерски третмани за подмладување на кожата, како што некои мажи се зависни од интернет порнографија.

Ѕвездата на романтичните комедии, Џенифер Анистон, неодамна е прогласена за најсексипилна жена на сите времиња. За неа медиумите пишуваат дека троши илјадници долари месечно само за да изгледа така како што изгледа, а таа признава дека поминува часови на интернет барајќи нови „кремови“ и ласерски третмани кои би ја подмладиле.

„Да не сум актерка, сигурно би била дерматолог“, рече актерката. „Опседната сум со кожата, препаратите, ласерите... постојано сум на интернет и читам се на таа тема... јас тоа го викам ‘ласерска порнографија’.“

Анистон призна дека во моментот кога списанието Men's Health ја прогласило за „најжешка жена на светот“, изгледала „никогаш полошо“.

„Слушав дека сум сексипилна, а потоа се погледнував во огледалото и гледам дека косата ми е валкана и мрсна, лицето и понатаму ми беше црвено од третманот кај козметичарот, а на себе носев маица од дечкото... ни малку секси.“