Полицијата утврди дека белиот прав, откриен во хотелската соба во која почина познатата пејачка Витни Хјустон, е кокаин и дека таа го користела непосредно пред смртта...

Синоќа беше објавен конечниот извештај, во него стои дека покрај кокаинот биле пронајдени огледалце и лажичка, кои најверојатно ги користела при употребувањето на дрогата.

Аутопсијата претходно утврди дека Хјустон, која беше познато дека има проблеми со наркотиците, починала од давење во када, но се наведува дека употребата на наркотици и болестите на срцето допринеле за смртта. Во телото и било пронајдено присуство на кокаин, марихуана и лекот ксанакс, кој се користи за проблеми со нервоза.

Во крвта е откриено и присуство на флексерил, лек за опуштање на мускулите и бенадрил, кој се користи за алергија.

Во извештајот стои и тоа дека музичката дива била пронајдена со лицето кон долу и дека на главата имала перика.

Поп пејачката почина на 11 февруари во хотел во Беверли Хилс.